کندز؛ قلعه زال ولسوالۍ کې د کورش سيالۍ وشوې
د کندز ولايت د بدني روزنې او ورزش رياست په همکارۍ او د سامبو کورش فدراسيون د استازولۍ له لوري د قلعه زال ولسوالۍ په ينگي آرق کلي کې د ۶۰ پهلوانانو ترمنځ د کورش سيمه ييزې ازادې سيالۍ وشوې.
په دغو سياليو کې پر کندز ولايت سربيره له سمنگان ولايت څخه پهلوانانو گډون کړی وو، چې په پايله کې ۳۰ تنو خپلو سيالانو ته په ماتې ورکولو سره برياوې خپلې کړې او همدارنگه کندز پهلوانانو د زياتو برياوو سره لومړی مقام خپل کړ.
دا سيالۍ کورش سيمه ييزو لوبو ته د ودې ورکولو او د يادې ولسوالۍ وگړو لپاره د سالمې تفريح برابرولو په موخه ترسره شوې، چې يوه شپه يې دوام وکړ.
