کندز؛ امام صاحب ولسوالۍ کې د شپږو لوبډلو ترمنځ د واليبال سيالۍ وشوې
د کندز ولايت د بدني روزنې او ورزش رياست په همکارۍ او د واليبال فدراسيون د استازولۍ له لوري د امام صاحب ولسوالۍ په چهارشنگي سيمه کې د شپږو لوبډلو ترمنځ د واليبال سيالۍ د روح الله لوبډلې په اتلولۍ پای ته ورسېدې.
د دغو سياليو پايلوبه روح الله لوبډلې خپلې سيالې موج های آمو لوبډلې ته د ۲۸ پر ۱۵ امتيازونو په توپير ماتې ورکړه او اتلولي يې وگټله.
د يادو سياليو موخه واليبال لوبې ته وده ورکول او د دې ولسوالۍ وگړو لپاره د سالمې تفريح برابرول وو، چې يوه ورځ يې دوام وکړ.
