کندز؛ قلعه زال ولسوالۍ کې د شپږو لوبډلو ترمنځ د واليبال سيالۍ وشوې
د کندز ولايت د بدني روزنې او ورزش رياست اړوند د واليبال فدراسيون د استازولۍ له لوري د قلعه زال ولسوالۍ په چلش پاين سيمه کې د شپږو لوبډلو ترمنځ د واليبال شپنۍ سيالۍ وشوې.
د دغو سياليو پايلوبه د قلعه زال ولسوالۍ منتخبې او خان زاخېل لوبډلو ترمنځ د وخت د کمښت له امله مساوي پای ته ورسېده.
د يادو سياليو موخه د واليبال لوبې ته وده ورکول او د غوره لوبغاړو موندل وو، چې يوه شپه يې دوام وکړ.
