هلمند؛ گرشک ولسوالۍ کې د ۱۶ لوبډلو ترمنځ د فوټسال سيالۍ پيل شوې
د هلمند ولايت د بدني روزنې او ورزش آمريت اړوند د فوټبال فدراسيون د استازولۍ له لوري د گرشک ولسوالۍ په گرشک هاشمي لوبغالي کې د ۱۶ ب لوبډلو ترمنځ د "ځوان نسل" په نوم د فوټسال سيالۍ پيل شوې.
د دغو سياليو په لومړۍ لوبه کې هلمند زلمو لوبډلې خپلې سيالې زمزم لوبډلې ته د ۸ پر ۲ گولونو په توپير ماتې ورکړه او بريا يې په خپل نوم کړه.
د يادو سياليو موخه د لوبغاړو لپاره د سالمې تفريح برابرول او ورزش ته د ځوانانو هڅول دي، چې ۴۰ ورځې به دوام وکړي.
