سمنګان؛ مرکز ایبک ښار کې د ۶۰ ورزشکارانو ترمنځ د تکواندو سیالۍ ترسره شوې
د سمنګان ولایت د بدني روزنې او ورزش آمریت اړوند د تکواندو فدراسیون د استازولۍ له لوري د یاد ولایت مرکز ایبک ښار کې له درېیوو کلبونو د ۶۰ ورزشکارانو ترمنځ د تکواندو سیالۍ ترسره شوې.
د دغو سیالیو په پایله کې ۱۴ تنو خپلو سیالانو ته په ماتې ورکولو سره بریاوې خپلې کړې او لومړي مقامونه یې ترلاسه کړل.
دا سیالۍ ورزش ته د ځوانانو د هڅولو په موخه ترسره شوې، چې یوه ورځ یې دوام وکړ.
