پکتیکا؛ برمل ولسوالۍ کې د ۳۲ ب لوبډلو ترمنځ د فوتبال سیالۍ پای ته ورسیدې
د پکتیکا ولایت د بدني روزنې او ورزش آمریت اړوند د فوټبال فدراسیون د استازولۍ له لوري د یاد ولایت په برمل ولسوالۍ کې د ۳۲ ب لوبډلو ترمنځ د فوټبال سیالۍ د پیروزي لوبډلې په اتلولي پای ته ورسیدې.
د یادو سیالیو پایلوبه کې پیروزي لوبډلې د ۳ پر یو ګول په توپیر خپلې سیالې نوجوانان علي خیل لوبډلې ته ماتې ورکړه او اتلولي یې وګټله.
دا سیالۍ په لرې پرتو سیمو کې فوټبال ته د ودې ورکولو په موخه ترسره شوې، چې ۲۰ ورځې یې دوام وکړ.
