کندز کې د ۷۰ چاپندازانو ترمنځ د وزلوبې سيالۍ وشوې
د کندز ولایت د بدني روزنې او ورزش ریاست اړوند د وزلوبې فدراسیون د استازولي له لوري د یاد ولایت مرکز کې د ۷۰ چاپ اندازانو ترمنځ د وزلوبې سیالۍ ترسره شوې.
د دغو سیالیو په پای کې هارون پهلوان اعلان شوی آخرلاق تر ټاکلې دایرې ورساوه او د سیالۍ ګټونکی شو.
دا سیالۍ د وزلوبې راتلونکو سیالیو ته د چمتووالي په موخه ترسره شوې، چې یوه ورځ یې دوام وکړ.
