غور؛ چهار سده ولسوالۍ کې د اتو لوبډلو ترمنځ د رسې کشولو سیالۍ وشوې
د غور ولایت د بدني روزنې او ورزش امریت اړوند د ملي او دودیزو لوبو مدیریت له لوري د یاد ولایت په چهار سده ولسوالۍ کې د اتو لوبډلو ترمنځ د رسې کشولو سیالۍ وشوې.
د دغو سیالیو په پایله کې ازادۍ ګمرک لوبډلې لومړی، قطعه لوبډلې دویم او کوزاد لوبډلې بیا درېیم مقام خپل کړ.
د یادو سیالیو موخه دودیزو لوبو ته وده ورکول او خلکو ترمنځ یووالی رامنځته کول و، چې یوه ورځ یې دوام وکړ.
