پکتیا؛ زرمت ولسوالۍ کې د اتو لوبډلو ترمنځ د والیبال سیالۍ پای ته ورسېدې
د پکتیا ولایت د بدني روزنې او ورزش ریاست اړوند په ښوونیزو مرکزونو کې د ورزش د ودې مدیریت له لوري د یاد ولایت په زرمت ولسوالۍ کې د اتو لوبډلو ترمنځ د والیبال سیالۍ د ځلاند لوبډلې په اتلولي پای ته ورسېدې.
د دغو سیالیو پایلوبه کې ځلاند لوبډلې د ۳ پر ۲ میدانونو په توپیر خپلې سیالې اتلانو لوبډلې ته ماتې ورکړه او اتلولي یې وګټله.
دا سیالۍ په ښوونیزو مرکزونو کې ورزش ته د ودې ورکولو په موخه ترسره شوې، چې پنځه ورځې یې دوام وکړ.
