افغان کورشکار د نویو ځوانانو درېیم پړاو آسيايي سیالیو په لومړۍ لوبه کې درېیم مقام خپل کړ
د افغانستان کورش ملي فدراسیون ورزشکار محمد یحیی محمدي د ٢٠٢٥ کال نویو ځوانانو درېیم پړاو آسيايي سیالیو کې درېیم مقام خپل کړ.
ښاغلي محمدي په دغو سیالیو کې په ٦٥ کیلو ګرامه وزن کې خپلو ټایلنډي او ترکمنستاني سیالانو ته ماتې ورکړه خو ایراني سیال ته يې لوبه وبایلله او د برنزو مډال يې ترلاسه کړ.
د نویو ځوانانو درېیم پړاو آسيايي سیالۍ د بحرین په کوربتوب له ٤٥ هېوادونو د ٢٠٠٠ ورزشکارانو په ګډون ترسره کېږي، چې له افغانستان څخه په اتو بېلابېلو ورزشي رشتو کې ٣١ تنه ګډون کوي.
