پکتیا کې د ۱۵۰ ورزشکارانو ترمنځ د کيک جيتسو سبک سيالۍ وشوې
د پکتیا ولایت د بدني روزنې او ورزش رياست اړوند د رزمي لوبو فدراسيون د استازولۍ له لوري د ياد ولايت په مرکز گردېز ښار کې د ۱۵۰ ورزشکارانو ترمنځ د کیک جیتسو سبک دوستانه سیالۍ وشوې.
دغه سيالۍ د نویو ځوانانو، ځوانانو او لويانو په عمري کټگوریو کې ترسره شوې، چې په پايله کې ۷۵ تنو خپلو سیالانو ته په ماتې ورکولو سره بریاوې خپلې کړې.
د یادو سیالیو موخه په پکتيا کې د کیک جیتسو سبک ته وده ورکول و، چې يوه شپه او ورځ يې دوام وکړ.
