د غزني مرکز ښار کې د شپږو لوبډلو ترمنځ د فوټسال سیالۍ پيل شوې
د غزني ولایت د بدني روزنې او ورزش امریت اړوند د فوټبال ملي فدارسیون د استازولۍ له لوري او د Y.H.D.O مؤسېسې په مالي ملاتړ د یاد ولایت په مرکز ښار کې د شپږو لوبډلو ترمنځ د فوټسال سیالۍ پيل شوې.
د دغو سیالیو په لومړۍ لوبه کې ستارګان نواباد لوبډلې خپلې سیالې قومنداني لوبډلې ته د ۶/۳ ګولونو په توپير ماتې ورکړه او لومړۍ بریا یې خپله کړه.
د یادو سیالیو موخه د فوتسال لوبو ته وده ورکول او له نشه یي توکو څخه د ځوانان لېري والی دی، چې درې ورځې به دوام وکړي.
