د غزني مرکز ښار کې د ۱۲۰ ورزشکارانو ترمنځ د رزمي لوبو هوشارافو سبک درېیم پړاو سیالۍ ترسره شوې
د غزني ولایت د بدني روزنې او ورزش امریت اړوند د رزمي لوبو ملي فدراسیون د استازولۍ له لوري د یاد ولایت په مرکز ښار کې د ۱۲۰ ورزشکارانو ترمنځ د رزمي لوبو هوشارافو سبک درېیم پړاو سیالۍ ترسره شوې.
په دغو سیالیو کې د غزني، کابل، هرات او زابل ولایت ورزشکارانو په بېلا بېلو عمري کټګوریو کې ګډون کړی وو، چې په پایله کې غزني لومړی، هرات دویم او کابل ولایت ورزشکارانو بیا درېیم مقام خپل کړ.
د یادو سیالیو موخه رزمي لوبو ته د ځوانانو هڅول او د غوره ورزشکارانو موندل و، چې یوه ورځ یې دوام وکړ.
