خوست؛ اسماعيل خېلو مندوزيو ولسوالۍ کې د اتو لوبډلو ترمنځ د واليبال سيالۍ پای ته ورسېدې
د خوست ولايت د بدني روزنې او ورزش آمريت اړوند د واليبال فدراسيون د استازولۍ له لوري د اسماعيل خېلو مندوزيو ولسوالۍ په سيد نور لوبغالي کې د اتو لوبډلو ترمنځ د واليبال سيالۍ د مسؤل لوبډلې په اتلولۍ پای ته ورسېدې.
د دغو سياليو په پايلوبه کې مسؤل لوبډلې خپلې سيالې خېر الله لوبډلې ته د ۲ پر ۱ ميدانونو په توپير ماتې ورکړه او اتلولي يې وگټله.
د ويلو وړ ده، چې دغو سياليو شاوخوا يوه مياشت دوام وکړ او په پای کې لوبډلو ته کپونه او غوره لوبغاړو ته چمتو شوې ډالۍ ورکړل شوې.
