تخار؛ درقد ولسوالۍ کې د ۷۰ کورشکارانو ترمنځ د کورش ټاکنیزې سیالۍ ترسره شوې
د تخار ولایت د بدني روزنې او ورزش امریت اړوند د کورش ملي فدراسیون د استازولۍ له لوري د یاد ولایت په درقد ولسوالۍ کې له مرکز او ولسوالیو د ۷۰ کورشکارانو ترمنځ د کورش ټاکنیزې سیالۍ ترسره شوې، چې یوه ورځ یې دوام وکړ.
د دغو سیالیو په پایله کې ۲۴ کورشکارانو خپلو سیالانو ته په ماتې ورکولو سره د اتلولۍ مقامونه خپل کړل او د یاد ولایت د کورش منتخبې لوبډلې ته وټاکل شول.
د یادو سیالیو موخه د تخار ولایت د کورش منتخبې لوبډلې ته د غوره کورشکارانو ټاکل او د کورش ورزش ته وده ورکول و؛ د سیالیو په پای کې غوره کورشکارانو ته چمتو شوې ډالۍ ورکړل شوې.
