کابل کې له ۱۰۰ زیاتو ورزشکارانو ترمنځ د جودو د ځوانانو ملي لوبډلې سیالۍ پیل شوې
د المپيک، بدني روزنې او ورزش ریاست اړوند د جودو ملي فدراسیون له لوري د یاد ریاست په ۵۰۰ کسیز جمنازیوم کې د هېواد له ۱۰۰ زیاتو ورزشکارانو ترمنځ د جودو د ځوانانو ملي لوبډلې سیالۍ پیل شوې.
د دغو سیالیو په پرانیستغونډه کې د المپيک، بدني روزنې او ورزش عمومي رئیس مولوي احمد الله وثیق، د یاد ریاست فني او مسلکي مرستیال حافظ احمد جان ځدارڼ، ورزشي مشاور قا.ري حیات الله رحماني، د نشراتو رئیس اتل مشواڼي، د جودو ملي فدراسیون مسوولینو او د یادې برخې ورزشکارانو ګډون کړی وو.
په دغو سیالیو کې د هېواد له ۱۳ ولایتونو د جودو د ځوانانو ملي لوبډلې ورزشکارانو د ۶۰ څخه تر ۷۳ کیلوګرام وزنونو کې ګډون کړی وو.
د یادو سیالیو موخه بهرنیو سیالیو ته د غوره ورزشکارانو موندل او د جودو ورزش ته وده ورکول دي، چې دوې ورځې به دوام وکړي.
