هلمند؛ گرمسېر ولسوالۍ کې د ۱۶ لوبډلو ترمنځ د فوټبال سيالۍ پای ته ورسېدې
د هلمند ولايت د بدني روزنې او ورزش آمريت اړوند د فوټبال فدراسيون د استازولۍ له لوري د گرمسېر ولسوالۍ په بُست مرکزي لوبغالي کې د ۱۶ لوبډلو ترمنځ د ا.ا.ا د بيا واکمنېدو د څلورمې کليزې په وياړ د فوټبال سيالۍ د سمسور لوبډلې په اتلولۍ پای ته ورسېدې.
د دغو سياليو پايلوبه د همت او سمسور لوبډلو ترمنځ ترسره شوه، چې په ټاکلي وخت سيالۍ ۰/۰ مساوي پای ته ورسېده، خو په پنالټيانو کې سمسور لوبډلې خپلې سيالې لوبډلې ته د ۴ پر ۳ گولونو په توپير ماتې ورکړه او اتلولي يې وگټله.
د يادو سياليو موخه د نويو استعدادونو موندل او د لوبغاړو ترمنځ يووالی رامنځته کول وو، چې ۲۵ ورځې يې دوام وکړ.
