غزني کې د شپږو لوبډلو ترمنځ د والیبال غوره لیګ څلورم پړاو سیالۍ پيل شوې
د غزني ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د یاد ولایت په اندړو ولسوالۍ کې د شپږو لوبډلو ترمنځ د والیبال غوره لیګ څلورم پړاو سیالۍ پيل شوې، چې ۲۰ ورځې به دوام وکړي.
د دغو سیالیو په لومړۍ لوبه کې اکاخېل لوبډلې خپلې سیالې الماس لوبډلې ته د ۳/۱ میدانونو په توپير ماتې ورکړه او لومړۍ بریا یې خپله کړه.
د یادو سیالیو موخه د غوره لوبډلې موندل دي.
