فرانسه د فنلنډ په وړاندې د امباپه په ځلیدو سره بریا خپله کړه
فرانسه د فنلنډ په وړاندې د امباپه په ځلیدو سره بریا خپله کړه
د فرانسې ملي لوبډلې فنلنډ ته په دوه ګولونو ماتې ورکړه او د کیلیان امباپه په زړه پورې لوبه یې ترسره کړه.
د دیدیه دشان شاګردانو چې دمخه یې نړیوال جام ته کوالیفائی کړی و تیره شپه فنلنډ ته په کور کې په دوه ګولونو ماتې ورکړه.
په لومړۍ نیمايي کې فرانسې د ګول ترسره کولو ښه فرصت درلود خو ګول یي ترسره کولای ونشو خو د فرانسې ملي لوبډلې په دوهمه نیمايي کې هم بریدي لوبه یي پیل کړه او بریالي شول ګول ترسره کړي. د کیلیان امباپه په دقیق پاس کې کریم بنزما ښه موقعیت ترلاسه کړ او د هغه شاټ ګول ته داخل شو.
په ۷۶مه دقیقه کې د لوکاس دینیه په پاسه کې کیلیان امباپه له کیڼ اړخه حرکت پیل کړ او د خپلې لوبډلې دویم ګول یې ترسره کړ چې په پای کې په دغو دوو ګولونو سره فرانسې فنلنډ ته ماتې ورکړه.