بغلان کې د ۲۶ ورزشکارانو ترمنځ د جودو ټاکنيزې سيالۍ ترسره شوې
د بغلان ولايت د بدني روزنې او ورزش امريت اړوند د جودو ملي فدراسیون د استازولۍ له لوري د ياد ولايت په مرکز پلخمري ښار کې د ۲۶ ورزشکارانو ترمنځ د جودو ټاکنيزې سيالۍ ترسره شوې.
دغه سيالۍ د نويو ځوانانو او ځوانانو ورزشکارانو په عمري کټګوريو او د ۶۰، ۶۶ او ۷۴ کيلوګرام وزني کټګوريو کې ترسره شوې، چې په پايله کې درې تنه د بغلان د جودو منتخې لوبډلې ته وټاکل شول.
د يادو سياليو موخه د غوره ورزشکارانو ټاکل و، چې يوه ورځ يې دوام وکړ.
د سياليو په پای کې د بغلان ورزشي امريت له لوري غوره ورزشکارانو ته مډالونه او د اتلولۍ حکمونه ورکړل شول.
