ارزګان؛ چوره ولسوالۍ کې د ۲۱ لوبډلو ترمنځ د ټېپ بال کرېکټ سیالۍ پیل شوې
ارزګان ولایت د بدني روزنې او ورزش آمریت اړوند د ټېپ بال کرېکټ فدراسیون د استازولۍ له لوري د ياد ولایت په چوره ولسوالۍ کې د ۲۱ لوبډلو ترمنځ د ټېپ بال کرېکټ سیالۍ پیل شوې.
د یادو سیالیو لومړۍ لوبه د ځواک اتلان او شمس الله لوبډلو ترمنځ ترسره شوه. د لوبې پچه ځواک اتلان لوبډلې وګټله او لومړی یې توپوهنه وکړه، چې په ټاکلو ۱۲ اورونو کې یې خپلې سیالې لوبډلې ته د ۱۶۹ منډو هدف وټاکه. شمس الله لوبډلې د هدف په تعقیب کې د شپږو ویکټو په زیان ۱۶۴ منډې وکړې او د څلورو منډو په توپیر یې لوبه وبایلله.
دا سیالۍ ورزش ته د ځوانانو د هڅولو په موخه پیل شوي، چې ۲۶ ورځې به دوام وکړي.
