میدان وردګ؛ سید آباد ولسوالۍ کې د پنځو ولایتونو ترمنځ د رزمي ورزشونو سیالۍ ترسره شوې
د میدان وردګ ولایت د بدني روزنې او ورزش آمریت اړوند د رزمي ورزشونو فدراسیون د استازولۍ له لوري د ياد ولایت په سید آباد ولسوالۍ کې د پنځو ولایتونو ترمنځ د رزمي ورزشونو کې ون کیک بوکسېنګ سبک سیالۍ ترسره شوې.
په دغو سیالیو کې له کابل، کندهار، غزني، پکتیکا او میدان وردګ ولایتونو څخه ٨٠ تنو ګډون کړی و، چې په پایله کې یې میدان وردګ ولایت لومړی، کابل دویم او غزني بیا درېیم مقام خپل کړ.
دا سیالۍ لرې پرتو سیمو کې د ورزش دودولو په موخه ترسره شوې، چې یوه ورځ یې دوام وکړ.
