غور؛ لعل و سرجنګل ولسوالۍ کې د څلورو لوبډلو ترمنځ د والیبال سیالۍ ترسره شوې
د غور ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د یاد ولایت په لعل و سرجنګل ولسوالۍ کې د یووالي حذفي جام په نوم د څلورو لوبډلو ترمنځ د والیبال سیالۍ ترسره شوې، چې یوه ورځ یې دوام وکړ.
د دغو سیالیو په پایلوبه کې د میهن ځوانانو لوبډلې خپلې سیالې سرجنګل لوبډلې ته د ۳/۲ میدانونو په توپير ماتې وکړه او اتلولي یې خپله کړه.
د یادو سیالیو موخه د والیبال لوبو ته وده ورکول او د لوبغاړو ترمنځ یووالی رامنځته کول و؛ د سیالیو په پای کې غوره لوبډلې او لوبغاړو ته چمتو شوې ډالۍ ورکړل شوې.
