د سرپل مرکز کې د ۲۰ ورزشکارانو ترمنځ د سیمه ییزې غېږنیونې سیالۍ ترسره شوې
د سرپل ولایت د بدني روزنې او ورزش امریت اړوند د ملي او سیمه ییزو لوبو مدیریت د استازولۍ له لوري د یاد ولایت په مرکز کې د ۲۰ ورزشکارانو ترمنځ د سیمه ییزې غېږنیونې سیالۍ ترسره شوې.
د دغو سیالیو په پایله کې ۱۰ ورزشکارانو خپلو سیالانو ته په ماتې ورکولو سره بریاوې خپلې کړې او د ډالیو ګټونکي شول.
د یادو سیالیو موخه د سیمه ییزې غېږنیونې ورزش ته وده ورکول و، چې یوه ورځ یې دوام وکړ.
