غزني کې د ۹۰ ورزشکارانو ترمنځ د رزمي لوبو د توان سبک درېیم پړاو سیالۍ ترسره شوې
د غزني ولایت د بدني روزنې او ورزش امریت اړوند د رزمي لوبو ملي فدراسیون د استازولۍ له لوري د یاد ولایت په مرکز ښار کې د ۹۰ ورزشکارانو ترمنځ د رزمي لوبو د توان سبک درېیم پړاو سیالۍ ترسره شوې.
دغه سیالۍ د نویو ځوانانو، ځوانانو او د لویانو ورزشکارانو په عمري کټګوریو کې ترسره شوې، چې په پایله کې خواجه زاده کلب ورزشکارانو د ۱۴ امتیازونو په ترلاسه کولو لومړی، خراسان کلب د ۱۲ امتیازونو په ترلاسه کولو دویم او خواجه علي کلب د ۶ امتیازونو په ترلاسه کولو سره بیا درېیم مقام خپل کړ.
د یادو سیالیو موخه د غوره استعدادونو موندل او د ورزشکارانو هڅول و، چې یوه ورځ يې دوام وکړ.
د سیالیو په پای کې د غزني ورزشي امریت له لوري غوره ورزشکارانو ته مډالونه او د اتلولۍ حکمونه ورکړل شول.
