زابل؛ شاجوی ولسوالۍ کې د څلورو لوبډلو ترمنځ د واليبال سيالۍ پای ته ورسېدې
د زابل ولايت د بدني روزنې او ورزش آمريت اړوند د واليبال فدراسيون د استازولۍ له لوري ياد ولايت په شاجوی ولسوالۍ کې د څلورو لوبډلو ترمنځ د ا.ا.ا د څلورمې کليزې په ویاړ د واليبال سيالۍ د چينې الف لوبډلې په اتلولۍ پای ته ورسېدې.
په يادو سياليو کې د چينې الف، چينې ب، جاغوري الف او جاغوري ب لوبډلو گډون کړی وو، چې په پايلوبه کې چينې الف لوبډلې خپلې سيالې جاغوري الف لوبډلې ته د ۳ پر ۱ ميدانونو په توپير ماتې ورکړه او اتلولي يې وگټله.
ياده دې وي، چې دغو سیالیو پنځه ورځې دوام وکړ او په پای کې اتلې لوبډلې ته د اتلولۍ جام او غوره لوبغاړو ته چمتو شوې ډالۍ ورکړل شوې.
