لغمان کې د ۷۶ ورزشکارانو ترمنځ د پهلواني ټاکنیزې سیالۍ ترسره شوې
د لغمان ولایت د بدني روزنې او ورزش آمریت اړوند د پهلواني فدراسیون د استازولي له لوري د یاد ولایت مرکز مهترلام ښار په مرکزي جمنازیوم کې د ۷۶ ورزشکارانو ترمنځ د پهلواني ټاکنیزې سیالۍ ترسره شوې.
دا سیالۍ په لسو بېلابېلو وزني کټګوریو کې ترسره شوې، چې په پایله کې یې له هرې کټګوري څلور- څلور تنه او په ټوله کې ۴۰ تنه د یاد ولایت د پهلواني ټاکنیزې لوبډلې ته وټاکل شول.
دا سیالۍ د لغمان د پهلوانۍ ټاکنیزې لوبډلې ته د غوره لوبغاړو د ټاکلو په موخه ترسره شوې، چې یوه ورځ یې دوام وکړ.
