پکتیا؛ مرکز ګردېز ښار کې د ۷۰ ورزشکارانو ترمنځ د رزمي ورزشونو سیالۍ وشوې
د پکتیا ولایت د بدني روزنې او ورزش رياست اړوند د رزمي ورزشونو فدراسیون د استازولۍ له لوري د یاد ولایت مرکز ګردیز ښار کې د ۷۰ ورزشکارانو ترمنځ د کیک جیتسو سبک دوستانه سیالۍ ترسره شوې.
دغه سيالۍ، د نویو ځوانانو، ځوانانو او لويانو په عمري کټگوریو کې ترسره شوې، چې په پايله کې ۳۵ ورزشکارانو خپلو سیالانو ته په ماتې ورکولو سره بریاوې خپلې کړې.
دا سیالۍ د اسد ۲۴ مې په موخه ترسره شوې، چې يوه ورځ يې دوام وکړ.
