غور؛ دولتیار ولسوالۍ کې د ۱۲ لوبډلو ترمنځ د فوټبال لومړی درجه لیګ پای ته ورسېده
د غور ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په دولتیار ولسوالۍ کې د ۱۲ لوبډلو ترمنځ د فوټبال لومړی درجه لیګ پای ته ورسېده.
د دغو سیالیو په پایلوبه کې میهن لوبډلې خپلې سیالې شیران لوبډلې ته د ۲/۱ ګولونو په توپیر ماتې وکړه او اتلولي یې خپله کړه.
د یادو سیالیو موخه د غوره لوبغاړو او لوبډلې موندل و، چې یوه میاشت یې دوام وکړ.
د سیالیو په پای کې د ورزش مسوولینو له لوري غوره لوبډلې ته د اتلولۍ جام او غوره لوبغاړو ته ورزشي ډالۍ ورکړل شوې.
