هرات کې د ۸۰ ورزشکارانو ترمنځ د بکسینګ ټاکنیزې سیالۍ ترسره شوې
د هرات ولایت د بدني روزنې او ورزش ریاست اړوند د بکسینګ ملي فدراسیون د استازولۍ له لوري د یاد ولایت په مرکز ښار کې د ۸۰ ورزشکارانو ترمنځ د بکسینګ ټاکنیزې سیالۍ ترسره شوې.
دغه سیالۍ د ځوانانو او د لویانو ورزشکارانو په عمري کټګوریو کې ترسره شوې، چې په پایله کې ۲۶ تنه ورزشکاران د هرات ولایت د بکسینګ منتخبې لوبډلې ته وټاکل شول.
د یادو سیالیو موخه د غوره ورزشکارانو موندل او د بکسینګ ورزش ته وده روکول و، چې دوې ورځې دوام وکړ.
د سیالیو په پای کې د ورزش مسوولینو له لوري غوره لوبډلې ته مډالونه او د اتلولۍ حکمونه ورکړل شول.
