بلخ کې د ۶۰ ورزشکارانو ترمنځ د فول رزم سيالۍ وشوې
د بلخ ولایت د بدني روزنې او ورزش رياست اړوند د فول رزم فدراسيون د استازولۍ له لوري د ياد ولايت په بلخ ولسوالۍ کې د ۶۰ ورزشکارانو ترمنځ د فول رزم سيالۍ وشوې.
په دغو سیالیو کې ورزشکارانو د نويو ځوانانو، ځوانانو او لويانو په عمري کټگوريو کې د يو بل پر وړاندې سيالۍ ترسره کړې، چې په پايله کې ۳۰ تنو خپلو سيالانو ته په ماتې ورکولو سره برياوې خپلې کړې او د چمتو شويو ډاليو گټونکي شول.
د يادو سياليو موخه ورزش ته د ځوانانو هڅول و، چې يوه ورځ يې دوام وکړ.
