کندهار کې د ۳۵ لوبغاړو ترمنځ د ځغاستې سیالۍ ترسره شوې
کندهار کې د ۳۵ لوبغاړو ترمنځ د ځغاستې سیالۍ ترسره
شوې
د کندهار ولایت د بدني روزني او ورزش ریاست سره په همغږۍ د اتلتیک ملي فدراسیون استازولۍ له لوري د ۳۵ لوبغاړو ترمنځ د دې ولايت په کچه د ځغاستې سيالۍ ترسره شوې.
يادې سيالۍ په بېلابېلو واټنونو کې ترسره شوې، چې په ۴۰۰ متره ځغاسته کې ذبیحالله لومړی مقام،
په ۱۵۰۰ متره ځغاسته کې سميعالله لومړی مقام او په ۳۰۰۰ متره واټن ځغاسته کې بیا بشیر احمد لومړی مقام ترلاسه کړ.
په دې سیالیو کې لومړي مقام ګټونکي به له سختو تمرینونو وروسته کابل کې د ځغاستې په ملي سیالیو کې د کندهار په استازولۍ ولوبېږي.
دغه سيالۍ چې د ځغاستې سياليو پر ته د ودې او لوبغاړو د ارزونې په موخه پيل شوې وې، په پايله کې يې لومړي، دويم او درېيم مقام ګټونکو ته د کندهار ولايت د بدني روزني او ورزش ریاست له لوري ستاینلیکونه او جایزې ورکړل شوې.
