دایکندي کې د ۱۰ لوبډلو ترمنځ د والیبال سیالۍ د سیمرغ مرکز بندر لوبډلې په اتلولۍ پای ته ورسېدې
د دایکندي ولایت د بدني روزنې او ورزش امریت اړوند د والیبال ملي فدراسیون د استازولۍ له لوري د یاد ولایت په سنګ تخت و بندر ولسوالۍ کې د یووالي جام په نوم د ۱۰ لوبډلو ترمنځ د والیبال سیالۍ، چې یوه اونۍ مخکې پيل شوې وې د سیمرغ مرکز بندر لوبډلې په اتلولۍ پای ته ورسېدې.
د دغو سیالیو په پایلوبه کې سیمرغ مرکز بندر لوبډلې خپلې سیالې پيروزي لوبډلې ته د ۳/۱ میدانونو په توپير ماتې ورکړه او اتلولي یې خپله کړه.
د یادو سیالیو موخه د والیبال لوبو ته وده ورکول او له نشه یي توکو څخه د ځوانانو لېری والی و؛ د سیالیو په پای کې غوره لوبډلې او لوبغاړو ته چمتو شوې ډالۍ ورکړل شوې.
