غور؛ لعلوسرجنګل ولسوالۍ کې د ۲۰ ورزشکارانو ترمنځ د ځغاستې سیالۍ ترسره شوې
د غور ولایت د بدني روزنې او ورزش امریت اړوند د اتلتیک ملي فدراسیون د استازولۍ له لوري د یاد ولایت په لعلوسرجنګل ولسوالۍ کې د ۲۰ ورزشکارانو ترمنځ د ځغاستې سیالۍ ترسره شوې.
د دغو سیالیو په پایله کې ریاض الدین لومړی، سمیر دویم او اسدالله بیا درېیم مقام ترلاسه کړ.
د یادو سیالیو موخه دودیزو لوبو ته وده ورکول او د ځغاستې ورزش ته د ځوانانو هڅول و، چې یوه ورځ یې دوام وکړ.
