نورستان کې د ۱۴ لوبډلو ترمنځ د ټېپ بال کرکټ سيالۍ پيل شو
د نورستان ولايت د بدني روزنې او ورزش امريت اړوند د ټېپ بال کرکټ ملي فدراسيون د استازولۍ له لوري د ياد ولايت په مرکز پارون کې د ۱۴ لوبډلو ترمنځ د ټېپ بال کرکټ سيالۍ پيل شوې.
د دغو سياليو په لومړۍ لوبه کې دواب ولسوالۍ لوبډلې په ټاکلو لس ۱۰ اورونو کې د پنځو لوبغاړو په سوځېدو سره د ۱۱۵ منډو هدف وټاکه په مقابل کې عقابان لوبډلې د ټولو لوبغاړو په سوځېدو سره يواځې ۳۴ منډې جوړې کړې او لوبه يې په ۸۴ منډو په ستر توپير وبايلله.
د يادو سياليو موخه د ټېپ بال کرکټ سياليو ته وده ورکول او د ځوانانو ترمنځ يووالی رامنځته دي، چې ۱۰ ورځې به دوام وکړي.
