میدان وردګ؛ نرخ ولسوالۍ کې د لسو لوبډلو ترمنځ د والیبال سیالۍ پای ته ورسېدې
د میدان وردګ ولایت د بدني روزنې او ورزش آمریت اړوند د والیبال فدراسیون د استازولۍ له لوري د ياد ولايت په نرخ ولسوالۍ کې د لسو لوبډلو ترمنځ د والیبال سیالۍ د شهاب الدین لوبډلې په اتلولي پای ته ورسېدې.
د یادو سیالیو په پایلوبه کې شهاب الدین لوبډلې د ٣/٢ میدانونو په توپیر خپلې سیالې دوراني منتخبې لوبډلې ته ماتې ورکړه او اتلولي یې وګټله.
دغه سيالۍ ورزش ته د ځوانانو د هڅولو او د ځوانانو د سالمې بوختیا په موخه ترسره شوې، چې یوه اوونۍ یې دوام وکړ.
