ارزگان؛ چوره ولسوالۍ کې د ۲۰ لوبډلو ترمنځ د ټېپ بال کرکټ سیالۍ پیل شوې
د ارزگان ولایت د بدني روزنې او ورزش آمریت اړوند د ټېپ بال کرکټ فدراسیون د استازولۍ له لوري د ياد ولایت په چوره ولسوالۍ کې د ۲۰ لوبډلو ترمنځ د ټېپ بال کرکټ سیالۍ پیل شوې.
د یادو سیالیو لومړۍ لوبه د شاهین او هېواد لوبډلو ترمنځ ترسره شوه، د لوبې پچه شاهین لوبډلې وگټله او لومړی یې توپوهنې پریکړه وکړه، چې په ټاکلو ۱۲ اورونو کې یې خپلې سیالې لوبډلې ته د ۲۱۶ منډو هدف وټاکه، په مقابل کې هېواد لوبډلې د ټولو لوبغاړو په سوځېدو سره يوازې ۶۰ منډې وکړې او لوبه يې د ۱۵۵ منډو په توپير بايلله.
دا سیالۍ ورزش ته د ځوانانو هڅولو په موخه ترسره کیږي، چې ۲۰ ورځې به دوام وکړي.
