ميدان وردگ؛ سيدآباد ولسوالۍ کې د ۲۷ لوبډلو ترمنځ د واليبال سيالۍ پای ته ورسېدې
د ميدان وردگ ولايت د بدني روزنې او ورزش آمريت اړوند د واليبال فدراسيون د استازولۍ له لوري د سيدآباد ولسوالۍ په تاج محمد خان عالي لېسه کې د ۲۷ ښوونځیو لوبډلو ترمنځ د واليبال سيالۍ، چې يوه اوونۍ مخکې پيل شوې وې د اتحاد دولسم الف لوبډلې په اتلولۍ پای ته ورسېدې.
د يادو سیالیو په پایلوبه چې اتحاد دولسم الف لوبډلې خپلې سيالې يوولسم ب لوبډلې ته د ۳ پر ۱ ميدانونو په توپير ماتې ورکړه او اتلولي يې وگټله.
د ويلو وړ ده، چې د دغو سیالیو موخه ورزش ته د زده کوونکو هڅول او ترمنځ يې يووالی وو.
