پکتیکا؛ مرکز ښرنه کې د څلورو لوبډلو ترمنځ د ټېپ بال کرېکټ سیالۍ پای ته ورسېدې
د پکتیکا ولایت د بدني روزنې او ورزش امریت اړوند د ټېپ بال کرېکټ فدراسیون د استازولۍ په همغږي او د التنسیق خصوصي ښوونځي له لوري د ياد ولايت مرکز ښرنه کې د څلورو لوبډلو ترمنځ د ټېپ بال کرېکټ سیالۍ د التنسیق اتلانو لوبډلې په اتلولي پای ته ورسېدې.
د یادو سیالیو پایلوبه د التنسیق اتلانو او ستورو لوبډلو ترمنځ ترسره شوه. د لوبې پچه التنسیق اتلانو لوبډلې وګټله او لومړی یې توپوهنه وکړه، چې په ټاکلو ١٢اورونو کې یې د پنځو ویکټو په زیان خپلې سیالې لوبډلې ته د ١٧٢ منډو هدف وټاکه. ستورو لوبډلې د هدف په تعقیب کې د شپږو ویکټو په زیان ١٥٩ منډې وکړې او د ٢١ منډو په توپیر یې لوبه وبایلله.
دا سیالۍ د ښوونځي د زده کوونکو ترمنځ د یووالي په موخه ترسره شوې، چې یوه ورځ یې دوام وکړ.
