بلخ؛ مرکز مزارشریف ښار کې د ۸۰ ورزشکارانو ترمنځ د او- سپورټ سبک سيالۍ ترسره شوې
د بلخ ولایت د بدني رونې او ورزش ریاست اړوند د رزمي ورزشونو فدراسیون د استازولۍ له لوري د یاد ولایت مرکز مزارشریف ښار کې د ۸۰ ورزشکارانو ترمنځ د او- سپورټ سبک سیالۍ ترسره شوې.
دغه سیالۍ د نویو ځوانانو، ځوانانو او لویانو ورزشکارانو په عمري کټګوریو کې ترسره شوې، چې په پایله کې یې ۴۰ تنو خپلو سیالانو ته په ماتې ورکولو سره بریاوې خپلې کړې.
دا سیالۍ ورزش ته د ځوانانو د هڅولو په موخه ترسره شوې، چې یوه ورځ یې دوام وکړ او په پای کې ګټونکو ورزشکارانو ته نغدي ډالۍ، مډالونه او ستاینلیکونه ورکړل شول.
