بامیانو کې د ۱۴ لوبډلو ترمنځ د فوټسال سیالۍ د شاه فولادي وي ای پي لوبډلې په اتلولۍ پای ته ورسېدې
د بامیانو ولایت د بدني روزنې او ورزش امریت اړوند د فوټبال ملي فدراسیون د استازولۍ له لوري د یاد ولایت په مرکز کې د شاه فولادي جام په نوم د ۱۴ لوبډلو ترمنځ د فوټسال سیالۍ، چې دوې اونۍ مخکې پيل شوې وې د شاه فولادي وي ای پي لوبډلې په اتلولۍ پای ته ورسېدې.
د دغو سیالیو په پایلوبه کې شاه فولادي وي ای پي لوبډلې خپلې سیالې ببرهای فولادي لوبډلې ته د ۵/۴ ګولونو په توپیر ماتې ورکړه او اتلولي یې خپله کړه.
د یادو سیالیو موخه د فوټسال ورزش ته وده ورکول او لوبغاړو ترمنځ یووالی رامنځته کول و؛ د سیالیو په پای کې غوره لوبغاړو ته چمتو شوې ډالۍ ورکړل شوې.
