فاریاب؛ مرکز میمنه ښار کې د ۶۴ کورشکارانو ترمنځ د کورش سیالۍ ترسره شوې
د فاریاب ولایت د بدني روزنې او ورزش امریت اړوند د کورش ملي فدراسیون د استازولۍ له لوري د یاد ولایت په مرکز میمنه ښار کې د ۶۴ کورشکارانو ترمنځ د کورش سیالۍ ترسره شوې.
دغه سیالۍ د ځوانانو ورزشکارانو په عمري کټګورۍ او له ۶۰ کیلو ګرام څخه تر ۷۳ کیلو ګرام وزني کټګوریو کې ترسره شوې، چې په پایله کې اندخوی ولسوالۍ ورزشکارانو لومړی، بلچراغ ولسوالۍ ورزشکارانو دویم او د مرکز ورزشکارانو بیا درېیم مقام ترلاسه کړ.
د یادو سیالیو موخه د کورش ورزش ته وده ورکول او د غوره ورزشکارانو موندل و، چې یوه ورځ یې دوام وکړ.
د سیالیو په پای کې د ورزش مسؤلینو له لوري غوره ورزشکارانو ته مډالونه او د اتلولۍ حکمونه ورکړل شول.
