کندز؛ قلعه ذال ولسوالۍ کې د اوو لوبډلو ترمنځ د فوټبال سيالۍ پای ته ورسېدې
د کندز ولايت د بدني روزنې او ورزش رياست اړوند د فوټبال ملي فدراسیون د استازولۍ له لوري او د عبدالحق صمد په مالي ملاتړ د ياد ولايت په قلعه ذال ولسوالۍ کې د اوو لوبډلو ترمنځ د فوټبال سيالۍ د اتحاد ينګي ارق ځوانانو لوبډلې په اتلولۍ پای ته ورسېدې.
د دغو سياليو په پايلوبه کې اتحاد ينګي ارق ځوانانو لوبډلې خپلې سیالې ينګي ارق نويو ځوانانو لوبډلې ته د ۲/۱ ګولونو په توپير ماتې ورکړه او اتلولي يې خپله کړه.
د يادو سياليو موخه د فوټبال لوبو ته وده ورکول او د ځوانانو هڅول و، چې يوه ورځ يې دوام وکړ.
د سياليو په پای کې غوره لوبډلې ته د اتلولۍ جام او غوره لوبغاړو ته ورزشي ډالۍ ورکړل شوې.
