پکتیا؛ مرکز ګردېز ښار کې د ۶۸ ورزشکارانو ترمنځ د سوک وهنې سيالۍ ترسره شوې
د پکتیا ولايت د بدني روزنې او ورزش رياست اړوند د سوک وهنې ملي فدراسيون د استازولۍ له لوري د ياد ولايت مرکز ګردېز ښار کې د ۶۸ ورزشکارانو ترمنځ د سوک وهنې سيالۍ ترسره شوې.
دغه سيالۍ، د نويو ځوانانو، ځوانانو او مشرانو ورزشکارانو په عمري کټګوريو کې ترسره شوې، چې په پايله کې ۳۴ ورزشکارانو خپلو سيالانو ته په ماتې په ورکولو سره برياوې خپلې کړې.
د يادو سياليو موخه ورزش ته د ځوانانو هڅول وو، چې يوه ورځ يې دوام وکړ او په پای کې غوره ورزشکارانو ته مډالونه او ستاينليکونه ورکړل شول.
