د باسکټبال ملي فدراسیون رییس عبیدالله ارغندیوال بحرین ته په سفر روان شو
د باسکټبال ملی فدراسیون رییس عبیدالله ارغندیوال د باسکټبال نړۍوال فدراسیون د نیم کال درېیم پړاو کنګره کې د ګډون په موخه بحرین ته په سفر روان شو.
نوموړي له سفر وړاندې د هېواد د ورزش ادارې له عمومي رییس مولوي احمدالله وثیق او د دغې ادارې فني او مسلکي مرستیال حافظ احمد جان ځدران سره ولیدل.
په دغه کنګره کې به د باسکټبال ۲۰۲۷ کال نړۍوالو سیالیو په اړه بحث وشي او همدارنګه یادو سیالیو ته د کوربه هېواد د ټاکلو لپاره به پچه اچوونه وشي.
دغه کنګره د باسکټبال نړۍوال فدراسیون لخوا د بحرین په کوربهتوب په مانامه ښار کې د روانې میلادي میاشتې پر ۱۶مه پیلېږي او دوه ورځې به دوام وکړي.
