د المپيک بدني روزنې او ورزش عمومي رييس د بدخشان ولايت د وزلوبې فدراسيون له استازو، پهلوانانو او اس لرونکو سره وليدل

د المپيک بدني روزنې او ورزش عمومي رييس او ورسره پلاوي، د ياد ولايت د مرکز او ولسواليو د وزلوبې فدراسيون له نيږدې ۳۰۰ پهلوانانو، اس لرونکو او مينوالو سره ولیدل او د دغه ورزش د لا غوړېدا، پرمختګ، سمون او يو بل منلو په موخه خبرې وشوې.

په دغه ناسته کې د ورزش ادارې رهبري پلاوي، د ياد ولايت ورزشي امر، د مرکز فيض اباد او ولسواليو پهلوانانو، اس لرونکو او د وزلوبې مينوالو ګډون کړی وو.

د هېواد د ورزش ادارې عمومي رييس مولوي احمدالله وثيق د يادې غونډې له ګډونوالو وغوښتل، چې د وزلوبې ورزش په برخه کې فعاله ونډه واخلي، يو بل ومني او د يو موټی کېدو فکر خپل کړي.

هېره دې نه وي، چې د دغې ناستې او ليدو په پای کې د مرکز فیض اباد، ولسواليو او لرې پرتو سیمو اس لرونکو، پهلوانانو او د وزلوبې مينوالو بدخشان ولايت ته د ورزش ادارې د رهبري پلاوي سفر غوره او نېک اقدام ياد کړ او هيله يې وښوده، چې د ياد ولايت د وزلوبې ورزش لپاره دغه راتګ د يووالي، سمون او يو بل منلو سبب شي.