ننګرهار؛ په روداتو ولسوالۍ کې د پنځو لوبډلو ترمنځ د ټېپ بال کرکټ سيالۍ پای ته ورسیدې
د ننګرهار ولایت د بدني روزنې او ورزش رياست اړوند د ټېپ بال کرکټ فدراسيون د استازولۍ له لوري د ياد ولايت په روداتو ولسوالۍ کې د پنځو لوبډلو ترمنځ د ټېپ بال کرکټ سيالۍ د افغان لوبډلې په اتلولۍ پای ته ورسیدې.
د دغو سياليو پايلوبه د افغان کرکټ کلب او محبت لوبډلو ترمنځ ترسره شوه، د افغان کرکټ کلب لوبډلې د پچې په ګټلو سره د توپ وهنې پرېکړه وکړه، چې په ټاکلو اتو اورونو کې د درې لوبغاړو په سوځېدو سره یې مقابلې لوبډلې ته د ۸۵ منډو هدف وټاکه. په ځواب کې محبت لوبډلې ۷۵ منډې جوړې کړې او د ۱۰ مندو په توپير سره يې لوبه وبایلله.
د يادو سياليو موخه خلکو ته د تفريح برابرول و، چې يوه مياشت يې دوام وکړ.
