نورستان؛ مرکز پارون ښار کې د ۱۲ لوبډلو ترمنځ د فوټسال سيالۍ پای ته ورسېدې
د نورستان ولايت د بدني روزنې او ورزش امريت اړوند د فوټبال ملي فدراسیون د استازولۍ له لوري د ياد ولايت په مرکز پارون ښار کې د ۱۲ لوبډلو ترمنځ د فوټسال سيالۍ پای ته ورسېدې.
د دغو سياليو په پايلوبه کې کلشه لوبډلې خپلې سیالې برګمټال لوبډلې ته د ۲/۰ ګولونو په توپير ماتې ورکړه او اتلولي يې خپله کړه.
د يادو سياليو موخه د فوټسال ورزش ته وده ورکول او د ځوانانو ترمنځ يووالی رامنځته کول و، چې اته ورځې يې دوام وکړ.
د سياليو په پای کې غوره لوبډلې او لوبغاړو ته ورزشي ډالۍ ورکړل شوې.
