لوگر؛ شاهين برکي برک لوبډلې د ولايت په کچه د فوټبال سياليو اتلولي وگټله
د لوگر ولايت د بدني روزنې او ورزش آمريت په همکارۍ او د فوټبال فدراسیون د استازولۍ له لوري د ياد ولايت په مرکز پل علم ښار کې د لسو لوبډلو ترمنځ د فوټبال سيالۍ، چې يوه مياشت مخکې پيل شوې وې د شاهين برکي برک لوبډلې په اتلولۍ پای ته ورسېدې.
د يادو سیالیو په پايلوبه کې شاهين برکي برک لوبډلې خپلې سيالې کلنگار ځوانانو لوبډلې ته د ۴ پر ۲ گولونو په توپير ماتې ورکړه او د لوگر ولايت څخه يې د کابل اتلولۍ ليگ ته لار پېدا کړه.
د ويلو وړ ده، چې د دغو سیالیو موخه د لوگر ولايت څخه د کابل اتلولۍ ليگ ته د لوبډلې ټاکل وو.
