هلمند؛ په ګرمسیر ولسوالۍ کې د ۱۶ لوبډلو ترمنځ د فوټسال سیالۍ پیل شوې
د هلمند ولایت د بدني روزنې او ورزش امریت اړوند د فوټبال فدراسیون د استازولۍ له لوري په ګرمسیر ولسوالۍ کې د فيصل سپورت په نوم د ۱۶ لوبډلو ترمنځ د فوټسال ګروپي سیالۍ پیل شوې.
د دغو سیالیو د پیل لوبه د لمر او رضوان لوبډلو ترمنځ ترسره شوه، چې په پایله کې لمر لوبډلې خپلې سیالې لوبډلې ته د یو صفر په توپیر ماتې ورکړه او بریا یې خپله کړه.
دغه سیالۍ چې دوې اوونۍ به دوام وکړي، موخه یې د ځوانانو ترمنځ د یووالي فضا رامنځته کول یاد شوي دي.
